新加坡歌手蔡健雅喺九展舉行一連兩唱演唱會，噚晚係尾場，唱完3首歌之後，佢話2014本來準備喺紅館開演唱會，但嗰時突然患咗急性喉炎，取消咗演出：「所以這次我使出渾身洪荒之力，和大家分享今次演唱會，多年來，你們想我嗎？覺得我改變很多，謝謝大家耐心的等待。」

佢直認冇喺紅館開個唱係自己一個小遺憾：「我盡力了很久，申請了很久，但我沒有申請到，我非常難過，可能是宇宙的安排，但我會用盡101夥心去唱歌，用最真誠去唱歌，你們沒有感受到？希望有一天可以站上紅館，我有點激動，我聲音也有點破音沙啞。」

Encore時，佢特別選唱梅艷芳嘅《夕陽之歌》向梅姐致敬。完騷之後，蔡健雅接受訪問，話呢首廣東歌學咗兩個星期，每日學幾句學識唱：「我很怕唱廣東歌，之前綵排彈着結他唱，但也唱錯了，很有失敗感，還是要看漢語拼音。」

講到佢其中一個銀白髮look被指抄襲蔡依林，蔡健雅否認：「完全沒有，我只感覺到氣氛，好姊妹沒所謂。」有傳蔡健雅會轉新公司，佢話仲未，但好快有新消息通告大家。問到係咪好恨去紅館開騷？佢承認：「真的很希望在退休之前去到，申請了很久，可能是一種緣份吧!我會耐心等候。」