今次陳啟宗向南加州大學職能科學與職能治療學部,捐出1.56億元,用作長遠發展基金,呢個學部將改名為南加州大學陳曾熙夫人職能科學與職能治療學部,以表揚陳氏母親。據美國職能治療協會統計,呢筆捐款係職能治療領域內有史以來首筆冠名捐贈,亦係金額最高嘅單筆捐贈。
陳啟宗一家為此事齊現身南加州大學,陳啟宗嘅31歲細仔Adley因而曝光。Adley比哥哥陳文博(Adriel)細兩年,哥哥2004年獲國際關係學學士學位,早幾年開始返恒隆工作,做緊恒隆董事總經理行政助理。
Adley就獲社會學學士學位與職能治療學學士、碩士與博士學位,最近更加入大學,成為職能治療學部臨床助理教授。職能治療係一種醫療保健專業,有助降低患慢性疾病與殘疾嘅風險。
陳啟宗成日話恒隆係專業管理,大仔加入恒隆,佢都未諗接班問題,𠵱家細仔走去做大學助理教授,唔通Adley打算行學者呢條路,無意做地產生意?
李華華
mailto:
[email protected]