憑劇集《來自星星的你》而喺亞洲人氣爆燈嘅「千頌伊」全智賢，日前同拍檔「都教授」金秀賢齊齊空降北京，出席代言手機活動之後，第二日就即刻飛起金秀賢，飛去廣州為中國代言拍廣告。

整個行程都以低調進行，全智賢噚日只係帶住兩個保安同一個助手，秘密現身拍攝場地。佢著住一身迷彩綠色外套襯牛仔褲，手拎啡色手袋嘅全智賢，真係離遠都散發住「千頌伊」嘅高貴氣質！

另外，佢之前為內地服裝品牌shesmiss拍攝嘅廣告相亦喺日前公開。著上多款秋季新裝示人嘅全智賢，喺廣告相中大擺誘人pose，散發迷人嘅女人味。