中國咁多個城巿,點解利物浦選擇廣州呢,伊恩艾爾解釋:「中國係個好大嘅巿場,加上有唔少利物浦球迷,廣東日之泉亦算好球隊;出於巿場拓展同季前熱身賽嘅考慮下,紅軍最後選擇咗廣州。」賽事落實下月13號晚上8點上演,利物浦會喺廣州天河體育館接受日之泉挑戰,不過日之泉目前只排中甲第3位,同伊恩艾爾所講嘅好球隊,好明顯有啲出入。門票方面由人仔100起,之後200、400、600同800元5種,今日開始發售,球迷想買不妨上網www.proevents.com睇睇。至於紅軍亞洲之旅另一場比賽,安排7月16號喺馬來西亞對當地聯賽選手隊。