一代武打巨星李小龍，影迷遍佈全球，而佢所創嘅截拳道，亦廣泛流傳。雖然李小龍已經離開咗我哋，但佢嘅功夫精神就一直長存，李小龍嘅傳奇一生亦拍成唔同嘅電影同電視劇，黃依汶嘅老公陳國坤就喺08年拍過《李小龍傳》，佢扮嘅李小龍真係形神皆似，唔知係咁樣，佢嘅囝囝陳真都深受影響，只得兩歲半就主動話要學功夫。

今日黃依汶就喺ig度上載咗一段短片，留言話：「係你話要學功夫㗎 #冇逼你架」，片中見到陳真雙手掩住耳仔，但睇落就似扭緊耳仔咁，同師傅練腿功，聽到佢不斷係咁嗌：「呀...呀...」好多人見到都留言話佢好可愛，仲大讚佢「先聲奪人」，亦有人問佢做乜要扭住耳仔踢腿。

睇完搞笑片後，黃依汶就貼咗陳真好型仔嘅造型相喇，佢留言話：「動作演員兒子的命運...兩歲半就要學功夫 #有姿勢無實際 #人人有功練 #截拳道體育館 #老竇要你Man d #你要收肚腩」，哦原來陳真係去咗學截拳道呀，睇張相都真係好Man吖，唔知老竇陳國坤收唔收貨呢！

精選娛聞，喺晒《娛果》
http://fb.com/appledailyent