三個月前驚悉自己患上第四期腸癌，鄺佐輝七月才接受完腸道微創手術後，才發現腫瘤已經轉移至肝臟，下周再接受較大型嘅切肝手術。他淡然地謂「切得幾多得幾多」，但身患惡疾，同時手停口停，一講到經濟問題，鄺佐輝亦難免憂慮。

今日有周刊報道了鄺佐輝的病情。年屆58，由做了多年的無綫轉到港視闖天下，可惜開台未竟，還得撲水醫病及維持生計，雪上加霜。鄺佐輝說，最擔心的，還是太太:「太太好激動，我就好冷靜。個天已經待我好好，至少仲俾時間我處理病情。」下周完成切肝手術後，鄺佐輝還需接受六個月化療。

談到生計，鄺佐輝面臨困局，今年五月，他已經約滿港視，再無穩定收入，平時只靠偶然做司儀及唱歌騷維持收入。為了節流，鄺佐輝夫婦亦已由市區搬到租金較平的元朗八鄉村屋。

鄺佐輝說:「喺住院嘅後期，我都諗起一樣嘢：『我真係乜都唔做得架喎！』」幸好在此時，好友卓慧敏伸出援手：「唔做得嘢生活係有困難，唔係一兩個月喎，咁我心裡面開始有啲擔心嘅時候，咁佢亦好有心，有問起我『點樣啊』，咁我都講：『我有少少嗰個感覺（經濟有困難）』，佢哋就即刻好好，喺佢哋個『微藍基金』度開咗個二萬蚊嘅支票俾我。」

消息傳開後，由無綫訓練班同學組成的藝進同學會亦發動籌款，支援鄺佐輝。鄺佐輝說：「我都話我唔怕面皮厚架，因為我以前，我自己自問以前我都願意去幫助其他人，雖然我冇乜能力，但我覺得當我有事嗰時，我係好樂意去接受人哋嘅支持囉！」