當年今日
關於我們

【贏未呢?】連續三期拍住上!沈集成等緊佢實現理想

蘋果日報 2017/11/06 21:18

沈集成巴度理想回報

【新增圖片】
法國騎師巴度重臨香江,頭兩次賽事雖然未能贏馬打開勝利門,但依然獲得頗多支持,今朝(6日)上早見佢穿梭多位練馬師之間傾談,並且過檔考驗多駒。
當中包括周三(8日)谷中賽程馬在內,巴度先替葉楚航馬房出戰第1場五班1800米的「大寶庫」在大圈快試800米。
其後接近七點,他再策騎沈集成馬房角逐第7場三班1200米的「理想回報」,前往1800米草地起步點單試一課800米快跳,過程小心翼翼,倉主成哥則在烽火台頂樓睇馬,鞍上人巴度試後返沙圈向倉主匯報,做足本份,睇嚟今次夜戰有望取得突破開齋贏馬。