因演出韓國人氣育兒節目《超人回來了》而為人熟悉嘅國腳李同國，噚日跟隨國家隊飛到烏茲別克出戰2018年俄羅斯世界盃最終預賽，其愛妻連同5個小朋友到機場送別老竇，當中大發BB更獻吻為老竇打氣，相當可愛。

另外，《超人回來了》今日繼續播出李同國一家嘅內容，講到李同國帶住雪雅、秀雅及大發BB去無人島求生，當中李同國向三姊弟表示只得一枝水及一條能量條，好彩三姊弟學識Share食。李同國見到遠處嘅船時，就叫三姊弟大聲嗌救命，但當李同國上到船後就開始開玩笑，喺三姊弟唔留意時落水潛入船底，嚇到三姊弟以為老竇跌咗落水之後唔見咗而爆喊，相當淘氣。