荷李活男星里安納度狄卡比奧（Leonardo DiCaprio）去年捲入馬來西亞國企「一馬發展公司」（1MDB）嘅竊款洗黑錢案，大馬首相納吉繼子里扎（Riza Aziz）有份創辦嘅「Red Granite Pictures」電影公司涉用竊款投資開拍《華爾街狼人》，電影公司仲送咗已故影帝馬龍白蘭度（Marlon Brando）嘅奧斯卡獎座畀里安納度，多謝佢拍攝《華爾街狼人》。而涉案嘅其中重要人物劉德祖更被爆曾經買下唔少鑽石首飾狂追索模Miranda Kerr。

里安納度方面就捲入洗黑錢案發表聲明，指已聯絡司法部配合調查，並已交還馬龍白蘭度奧斯卡獎座，以及畢卡索畫作等禮物。