男神吳尊噚日同4歲大嘅囡囡Neinei嚟咗香港，去愉景灣宣傳新樓盤，而喺今日4點左右，吳尊同埋囡囡Neinei一行4人，就喺圓方行街街喇。

喺行街嘅過程，吳尊就盡顯24孝爸爸嘅行動，首先就抱住囡囡買雪糕，之後又一齊去睇人溜冰，睇完之後就去咗睇玩具，作為24孝爸爸嘅吳尊，當然有買到畀囡囡啦。

之後佢哋一行4人就去咗睇喼，期間佢哋都有踎低同Neinei傾計，又放咗Neinei喺喼頂，同囡囡玩，之後就去咗超市買嘢飲。最後佢哋就坐林珊珊車離開。