【斟茶畀長輩】阿嬌兩公婆草地曬月光 Yumiko祖兒扮鬼扮馬影相
Yumiko鍾欣潼祖兒阿Sa
37歲鍾欣潼(阿嬌)今日喺尖沙嘴一間餐館舉行註冊禮,正式成為賴太。同時間一對新人喺現場斟茶畀長輩,容祖兒從旁協助,似乎係客串做大妗姐。有份飲茶嘅仲有英皇老闆楊受成,見到佢接受兩位新人下跪斟茶,一面笑容直情當半個女出嫁咁,相信杯茶飲得好甘甜,唔少得當然係一封大利是。而英皇高層睇住阿嬌出身嘅霍汶希(Mani),自然亦有份坐低飲茶,仲送咗唔少金器畀阿嬌。而一班阿嬌姊妹都有收獲,就係獲新郎哥、台灣「醫界王陽明」賴弘國派利是。
註冊儀式完成之後,一行人都留喺餐廳用餐。到晚上大概8點左右,一對新人同祖兒、Yumiko、阿Sa、Kenny等人,行到餐館對出草地影夜景,成班仲扮鬼扮馬。玩完一輪祖兒、阿Sa、Mani同古巨基開始離開。問到祖兒同阿Sa係咪好感動時,祖兒話:「好感動。」Yumiko同老公走嘅時候,佢話:「好開心,今晚有飲酒。」另外,錄影完節目嘅張致恒大概8點半到達,遲到好過冇到。
精選娛聞,喺晒《娛果》 http://fb.com/appledailyent
一班阿嬌姊妹都有收獲,就係獲新郎哥、台灣「醫界王陽明」賴弘國派利是。