美國女歌手Taylor Swift今年6月被爆戀上「邪神洛基」湯赫度斯頓（Tom Hiddleston）後，外界對呢段戀情都唔多睇好，不過兩人拍拖初時高調放閃，而且化身連體嬰周遊列國，但隨住湯赫度斯頓要為超級英雄片《雷神奇俠》第三集《Thor:Ragnarok》到澳洲開工，兩人戀情觸礁嘅消息即傳個不停。

日前美國八掛網站《Radar Online》報道已爆二人感情有危機，阿湯更不滿被女友當作高級伴遊，忍受唔住輿論壓力鬧分手。

Taylor同阿湯果然經唔起考驗，美國雜誌《Us Weekly》證實，Taylor決定飛甩阿湯，兩人已各行各路，短命戀情僅維持3個月即劃上句號。