當年今日
關於我們

【韓流】SJ金希澈怕醜 獲幾位爺爺盛讚

蘋果日報 2014/05/08 06:00


由韓團SuperJunior成員金希澈同《花樣爺爺》李順載主演嘅新劇《花樣爺爺搜查隊》,將會喺今個月9號開播,噚日佢兩個就連同劇中其餘兩位爺爺張光同邊熙峰一齊出席喺首爾舉行嘅新劇發佈會,幫套劇造勢。

對住比自己細幾廿年嘅金希澈,三個爺爺都讚不絕口,李順載就讚金希澈係一個又守時而且好有潛力嘅後輩,邊熙峰就話同佢合作完全冇年齡代溝嘅問題,而張光就話佢一啲明星架子都冇,而且夠主動親近別人,句句都有讚冇彈,搞到平時勁自大嘅金希澈都有少少怕醜。

而金希澈亦好識做咁話三個爺爺對佢照顧有加,真係當正三個爺爺係自己親爺爺咁款o架。