關楚耀、衞詩雅、邵音音等噚晚喺旺角朗豪坊戲院為新片《重口味》謝票，冇DaDa撐場，音音姐就成為眾人焦點起哄大叫，佢話﹕「做乜X嘢呀！我喺戲度好肉酸。」但有男觀眾力撐話﹕「你依家靚咪得囉。」音音姐笑言睇完戲之後就跟對方返屋企。

問到音音姐有冇同DaDa聯絡？她說﹕「有都唔話你知啦！有啲唔知應唔應該講，冇發生講咗又成個八婆咁。」佢透露DaDa失踪唔係第一次，有時唔開心就暱埋喊或食，但佢覺得失踪唔宣傳唔要得，佢話﹕「聽講仲有兩日限期，真係有啲失望，佢係年輕人偶像，應該企出嚟同觀眾解釋清楚，搵律師代表都好。」

而衛詩雅透露為另一部新戲到精神病院了解，佢表示部份患情緒病人，外表好難分辨，問是否好像DaDa一樣？佢話﹕「都係o架。」