當年今日
關於我們

【隨時爆倒閉潮】陳潔玲稱Party Room冇酒牌冇食牌:政府幫唔到我哋

蘋果日報 2020/03/27 19:30

林鄭月娥倒閉潮party room陳潔玲

行政會議今午(27日)2點召開特別會議,林鄭月娥今晚6點半見記者,交代下一輪抗疫措施,林鄭指政府「一如既往都係迅速應變」,稱行會通過推行2條新規例,分別禁止多於4個人的聚集,及管制餐廳營運模式並關閉娛樂場所,包括全港遊戲機中心、浴室、健身中心、娛樂場所(包括保齡球場)、公眾娛樂場所(包括電影院)及派對房間均須關閉。
經營兩間Party Room的陳潔玲在疫情剛開始,約2月時已立即配合抗疫,關閉停業,政府今日再宣佈明晚6時起須關閉14天,陳潔玲今日接受《蘋果》訪問時說:「我已經暫停營業一段時間啦,新年後做埋之前一早book咗場嘅客人,就暫停咗冇再接新客,因為Party Room冇酒牌冇食牌,所以政府嘅抗疫基金暫時都幫唔到我哋呢個行業,希望政府可以關注一下我哋呢個行業,其實都喺疫情之下受影響嘅大苦主,以我所知好多同行都已經執咗笠,嚟緊成個行業會有倒閉潮。」
這場疫情對陳潔玲造成很大打擊,她續說:「員工已經放緊無薪假期,但係喺暫停營業嘅情況之下,每個月兩間舖都要乾燒租金,坦白講香港地最貴就係租金,減租都救唔到件事,而家好積極同業主傾緊可唔可以疫情期間免租,但最好就係政府可以補貼租金,又或者可唔可以立例叫業主免租,直至疫情結束,因為其實我哋真係好慘,一方面要盡公民責任防止疫情散播,唔可以開門做生意,但係一方面要硬食租金,其實咁樣落去真係逼人去死。」陳潔玲表示每個月都硬蝕六位數字租金。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》