【未見梅姨】《媽媽咪呀!》續集開鏡 雅曼達施菲歸隊開工

蘋果日報 2017/09/25 08:30

雅曼達施菲梅麗史翠普媽媽咪呀Mamma Mia:Here We Go Again!
    荷李活賣座歌舞片《媽媽咪呀!》（Mamma Mia!）上映將10周年，環球電影公司早前宣布會開拍續集《Mamma Mia:Here We Go Again!》定於明年上映。
    同名歌舞劇改編嘅《媽媽咪呀!》，由梅麗史翠普（Meryl Streep）、雅曼達施菲（Amanda Seyfried）、皮雅斯布士南（Pierce Brosnan）、哥連費夫（Colin Firth）及史戴倫史卡斯格（Stellan Skarsgard）演出，戲中飾演梅麗史翠普女兒嘅雅曼達施菲，對生父感到好奇，意外發現媽咪有三位舊情人，從而邀請三人出席自己婚禮，等佢哋與媽咪重逢，電影更將著名樂隊ABBA作品融入其中，梅姨同幾位主角有唔少歌舞表演。
    今次故事會就交代首集之前發生嘅事，除咗主要演員回歸演出，Lily James會演年輕版梅姨，仲有謝洛美艾雲（Jeremy Irvine）同Hugh Skinner分別扮年輕版皮雅斯布士南同年輕版哥連費夫。電影已經開鏡，今個月初就去到克羅地亞取景，主要係拍攝年輕版嘅戲份，至於雅曼達施菲前日都喺Instagram公開一張自己坐喺車頭嘅相，透露佢都已經歸隊準備開工，但就暫時就未見梅姨。
    empty
    雅曼達施菲都喺Ig透露已經投入《媽媽咪呀!》續集拍攝。
    empty
    今次幾位年輕演員戲份應該相當重。
    empty
    謝洛美艾雲演「年輕版Sam」皮雅斯布士南。
    empty
    梅麗史翠普當年喺電影載歌載舞。
    empty
    哥連費夫（左起）、史戴倫史卡斯格同皮雅斯布士南都會參與續集拍攝。