【仲開新店】「生煎包王子」蕭潤邦銅鑼灣店暫停營業︰啱啱租約滿
蘋果日報 2020/03/03 14:50
江若琳蕭潤邦生煎包王子
（資料圖片/ 攝影︰沈健程）
【新增回應】
江若琳（Elanne）和「生煎包王子」老公蕭潤邦（Oscar），先後開了多間食店，包括堅信號上海生煎皇及麵館，遍佈港九、新界共6間分店，兩公婆齊齊打造飲食事業。不過好景不常，Oscar打本過百萬給老婆打骰的麵館，之前開業半年已賣盤，近日其銅鑼灣分店，貼出「暫停營業」的告示。
近日肺炎疫情肆虐，各行各業都受牽連，更重創飲食業，Oscar早前還在荃灣開分店，不過其銅鑼灣店貼出「暫停營業」的告示。今日《蘋果》致電Oscar查詢其店停業一事，他說︰「停業嗰間係銅鑼灣燈籠街舖，間舖營運咗3年，啱啱租約滿咗，所以決定再喺港島區搵新舖位，會繼續開業。業主其實好好，最近呢3個月都有減租。」問到該舖的員工如何安置？他說：「員工主要係兼職，已經將佢哋轉去其他舖繼續做兼職，所以影響唔大，我哋仲有5間店係各區，有啲舖例如旺角、深水埗都有換過舖位。雖然銅鑼灣舖完約，我哋荃灣同yoho啱啱開業，所以員工嘅分配係冇問題的，我哋會努力 ，唔會減同事人工同埋唔會放無薪假，疫情底下希望同業繼續努力去做。」
雖然面對疫情，食店經營困難，不過他們兩公婆未有影響心情，近日還追看玄彬、孫藝珍主演的韓劇《愛的迫降》，Elanne還問老公「點解你唔係玄彬」，之後被老公反問「你夠唔係全智賢」。到昨晚Oscar穿上迷彩試圖扮玄彬，卻被老婆揶揄他︰「你算罷啦，你似唔夠瞓，早啲唞啦。」兩公婆在社交網「互片」，十分搞笑。
《果GYM》隨身播 健身壹App過！
Oscar位於銅鑼灣分店，貼了「暫停營業」告示。
兩公婆未有受疫情影響食店生意，不時在網上「互片」打情罵俏。（FB圖片）
江若琳不領情，笑老公唔夠瞓。（FB圖片）
位於旺角店仍有開業。
深水埗分店。