全國政協會議今日閉幕，前政務司司長唐英年日前雖順利冧莊做常委，但今年北京兩會對唐唐嚟講，肯定別有一番滋味在心頭，皆因父親唐翔千期間過身，唐唐為咗國家畀佢嘅開會任務，遺憾未能見父親一面。而喺今次兩會，據聞唐唐都交咗唔少功課，提案多達6項，涵蓋青年，文化，金融同大灣區等議題，範圍好廣。

其中有關文化發展嘅兩項提案，分別係《利用文化平台伸延國家優勢》以及《利用文化發展培育年青人》，大家都知啦，唐唐做咗西九管理局主席，故宮博物館佢都要負責，似乎令佢都從呢個方向出發，建議有180萬件收藏品嘅北京故宮博物館，全力支持香港故宮博物館嘅藏品展出，等國家利用香港作為對外平台，弘揚祖國文化，兼將中華文化sell至海外，覺得咁樣就係win win方案，唔知國家buy唔buy？