是日（8日）沙田跑六草四泥，草地用C跑道，度地儀指數2.70，場地掛牌為好地。今日將不會進行壓地。

睇番上季9月9日首次田草C欄賽事，度地儀指數2.71，當日中內檔前置馬佔盡優勢，不單止由1至7檔包辦所有頭馬，外檔馬完全無運行，而且分別有「永常喜」、「醒目名駒」、「至尊大師」、「安喜」及「軒轅齊飛」放頭勝出，可見形勢利放唔利追，具前速馬匹值得優先留意。

今日草地出戰馬中，第三場「麯院風荷」是全場唯一贏過田草C欄之馬，憑較佳場地性能可完成跨季孖寶。

另外，第十場「請跟我來」兩次角逐田草C欄非冠即亞，吼準福地復出，這匹莫雷拉、蔡約翰今季合作首駒可信賴。

泥地方面，硬度計指數9.50，場地掛牌為好地，四場泥地均跑1200米，上季首次跑泥地亦是9月9日，當日兩匹頭馬「歡悅星」及「上市動力」均在中後位置衝上勝出，可見後追馬唔蝕底。

這天第五場「協力神駒」、第八場「皇龍大將」及第九場「公証福將」俱屬擅泥地的後追馬，值得秤先。

-------------------------------
想唔想知自己財運、事業、愛情會點？參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此