劉泰英係台大經濟系五十年代嘅畢業生,當時台灣好窮,劉泰英窮到冇鞋着,唔夠飯食。一位教授憐才,畀錢佢買鞋,久唔久請佢返屋企食餐飯。教授萬萬料不到,劉泰英後來會發得咁緊要。
劉泰英喺台大做經濟學教授之時,已年年到老教授恩師府上拜年,到佢大紅大紫之日,老教授已經魂歸天國,一般人就會思情已盡。但台灣朋友話,劉泰英仍繼續到老教授故居,向老師母拜年請安,令老師母好感動。
如此人物,一朝落難,自然有好多人打落水狗,但劉泰英若無李登輝庇護,點敢做咁多嘢呀?總之中國官場,好講保家實力,保家不在,家臣就有難咯,北京如此,台北何嘗不然。