周汶錡（Kathy）、Cara G.和楊千嬅前晚在澳門出席Burberry新店開幕，嘉賓全部都是靚媽一族，還保持一副好身材。Kathy中門大開現事業線，千嬅透視裙若隱若現，Cara G.酥胸半露，誕下細女Freija Rain Mcilroy餵人奶的她升cup到34D，她用英語說：「唔係好性感，只係個胸大咗，只係餵人奶，平時冇咁嘅效果。」Cara G.大爆老公不介意她是否胸大胸細，她說：「佢鍾意我懷孕時候，不過佢唔係太care我上面，佢會在意我下面。」
Kathy的身材明顯比之前更豐滿，她說：「唔係，係件衫剪裁好。件衫係嚟到先着，所以老公睇唔到，平時亦唔會投訴我着得性感。」妹妹周麗淇承認分手，Kathy有否安慰和鼓勵妹妹？她說：「冇哭訴，冇傾過，感情自己處理，呢一刻會寄情工作先，公佈單身就畀空間，唔會畀壓力佢。」

千嬅自嘲一條蕉

千嬅透視裙露黑色短褲，記者問她是不是滿月迎中秋，她搞笑話：「月亮有唔同形狀，我唔係full moon，我係一條蕉，不過呢啲好醜命生成。」千嬅直言曾有過葫蘆身形，她說：「試過，之前餵人奶嘅時候，唔餵就冇咗。」再懷孕便可重拾葫蘆身形，千嬅說：「唔試住喇！雖然我好支持餵母乳，為咗小朋友，有諗過幫個仔搵個伴，呢啲隨緣，唔可以有咁大壓力，今年唔會，問老公夾番啲年份好啲。」
採訪：王連連
攝影：沈健程