當年今日
關於我們

今日咩環境?

蘋果日報 2017/06/18 12:47

今日咩環境場地掛牌

【更新資料】
今日(18日)沙田八草兩泥賽事,草地用最狹窄之C加3欄作賽,度地儀指數2.74,場地掛牌為好地至黏地。今日將不會進行壓地。
季尾階段場地偏差嚴重,用埋C加3欄前置馬更加如虎添翼,睇番上季同期6月19日亦係C加3欄,當日除了兩場1600米或以上中長途賽由居中後上馬勝出外,其餘頭馬全部守前四位入直路建功,「嘉福」、「華美之友」及「辣得很」更加一放到底,仍要秤先前速夠快之馬。
第六場「華麗再現」近四次角逐田草C加3欄全勝,反而在其他移欄未贏過,等番C加3欄再跑,隨時贏到你唔信。第三場「海嵐一號」乃全場唯一贏過田草C加3欄之馬,用潘明輝減十磅有力放到。
今期編兩場泥地均跑1650米,掛牌濕慢地及硬度計指數9.10,翻查近七場同程賽事,放頭馬勁取三勝三位佳績,再加上連日有雨,以5月13日為例,當日在濕慢地上進行兩場泥地一哩賽。
結果「無限欣賞」和「勁精神」分別跟前勝出及一放到底。今戰第四場「五星特工」快放馬擅跑泥地,不妨優先留意。