周秀娜噚日喺大坑為國際單車電影節拍攝宣傳短片，娜姐罕有以淑女造型現身，佢話：「好開心，因為好少可以有呢身打扮，睇咗個storyboard好鍾意，佢哋仲安排呢部淑女型單車畀我。」

短片講述娜姐送花迷路，遇上五位負責送菲林嘅單車男，娜姐迷倒其中一位戇直男，佢教路時指錯方向，但見戇直男嘅可愛舉動，娜姐即送上一支花鼓勵。問娜姐可曾踩單車拍拖？佢話：「少啲喎，不過成日幻想踩踩吓遇到志同道合嘅男仔，喺青青草原上面一齊踩，我有諗過如果可以喺香港環島遊都幾舒服。」