【李華華Online】又有新作 中國地產:特朗普係小丑
李華華中國地產
中國地產集團(1838)自2018年一篇「川普無毛澤東的智慧」躍升為股壇「大文豪」後,公司每年嘅年報都令人「翹首以待」。今年公司主席汪世昌最新大作,毫不容氣直斥美國總統特朗普係「小丑」,喺新型冠狀病毒面前「驕逸」,仲第一次鬧人之餘俾意見,勸特朗普收斂氣場,胸懷寬廣,謙和做人。由之前踩侵侵冇智慧、有勇無謀,今次仲直呼佢係「小丑」,睇嚟汪世昌真係好討厭特朗普。
喺香港上市有度好,就係你鍾意點講都得,唔接受但包容,遲下港版國安法殺到,汪主席寫報告果陣可能就要諗多陣啦。汪世昌嘅說話未必人人啱聽,但華華好buy佢一句,就係勸特朗普「各自搞好自己的事,先至對各自同胞的最大貢獻。」查實呢句不單特朗普,習總都好啱使架!
其實,人類在大自然面前係十分渺小;你睇,一粒新型冠狀病毒就將全球人打低係度。而且,係這粒新型冠狀病毒面前,自以為是的特朗普簡直就是個小丑,所以,驕、逸這兩個字都係敗家之道;收斂點氣場,胸懷寬廣,謙和點做人,各自搞好自己的事,先至對各自同胞的最大貢獻。前一陣,政策風雲變幻,連逆杠桿負債都殺埋。結果,殺敵一千,自傷八百;好係本集團係這場暴風驟雨度,只係淋濕著頭,令股東們著實擔心了一陣間。依家之前留低點不應該有的債務糾紛正在收尾。不過,曾國藩話:「凡係願景,說一節做一節,如預先說好幾層,到後來往往不符。」所以,依眼前的時局本集團先守拙,蓄銳,賣多點嘢,過着疫情先。