有九十年歷史嘅甘棠第喺社會同政府積極爭取下，終可成功獲得保留，但有六百幾年歷史嘅羅湖村就無咁幸運，呢條由袁觀得喺明朝洪武年設立嘅村，由於位處羅湖中港邊界，條村嘅部份土地喺一八九八年俾當年港英政府強行沒收，作為興建羅湖火車站，搞到羅湖村從此消失，村民被迫散落各地。
但袁氏後人一直都希望能恢復羅湖村，其中𠵱家做緊港大專業進修學院周易風水學講師嘅袁氏後人袁匡任，會聯同其他族人喺下周二向立會議員爭取復村，佢話𠵱家喺羅湖附近嘅得月樓村重有好多袁氏後人住緊，佢哋都希望可重建羅湖村昔日嘅光輝。



傳真︰2623-9278
電郵︰[email protected]