分唔到，真心真係分唔到。

身在歐洲開工拍攝馬楚成新片《歐洲攻略》嘅梁朝偉，家陣同吳亦凡、唐嫣及杜鵑等日日開緊工。吳亦凡同偉仔做對手戲，真係乜嘢年代嘅客都吸晒。

但今日嘅焦點，唔係兩大男神點樣鬥，而係，究竟邊個係梁朝偉真身，邊個係替身。唔止樣似，就連髮型一樣，身形又差唔多……。有網民影到「兩個偉仔」同場，擺咗上網，但冇開估。

老老竇竇，分唔到。劉嘉玲可唔可以幫下手……

提示：真嗰個有肚腩，假嗰個有胸肌！