【新增影片】
泛民主派今午就是否簽署選管會新設的「確認書」開會討論，會後一致決定不會簽署。法律界議員郭榮鏗代表泛民發言，指公平開放的選舉是香港核心價值，必須保護，批評「確認書既無法律基礎，亦都係會造成政治篩選」，反問選舉主任如何斷定參選人作的聲明是否真誠，此舉只會造成更多灰色地帶，「我哋唔認為選舉主任可以靠一個聲明或者確認書斷定一個人唔係真誠去做一個聲明，所以基於咁多原因及原則，我哋係唔會簽。」

如果拒絕簽署的後果是取消參選資格，泛民會否為參選而簽署﹖郭重申不會簽，因這是原則問題，「如果唔守住呢條線，第時可以再加多啲確認書，內容可以係五花八門，今日唔企硬，香港選舉制度將會根本性、原則上受破壞。」對於立法會主席曾鈺成說，如果參選人不簽署確認書，需要認真想想是否值得參選立法會，郭反問對方：「以前候選人都唔需要簽，係咪以前啲選舉全部都唔應該參加呢﹖我想反問返曾主席。」

泛民已報名參選的人士至今未收到選舉主任確認參選資格，郭形容是極不尋常，以他所屬的法律界為例，上屆只需要一天即可確認參選資格，「莫乃光16日已經將提名表格交咗，到依家20日都未有答覆，係非常不尋常嘅做法，馮官（馮驊）話（確認書）係為行政方便，事實係造成行政混亂。」