現代（Hyundai）Venue屬SUV/Crossover車款入門之選，在外國車價只需約17,250美元起，加齊裝備也只是23,270美元。車價入門，體積亦夠細，比起Kona更細，亦係廠方最細的Crossover車款。

平玩細車其實很適合香港駕駛環境，不過很多不同品牌的本地代理入貨都好緊，近年不少車款香港用家都冇份......希望只是暫時冇份啦。不過今次這款新車不只是香港冇份，官方暫時確定只會在主場韓國推出上市，其他國家暫時未有這Venue Flux版本。

玩細玩平價，通常都要配玩味十足的造型，吸引年輕用家嘛。今次現代就為Venue推出Flux版本，擁有圓渾的線條，新設計的車頭鬼面罩亦很凸出，和普通版最不同之處是Venue Flux擁有熱衝壓鬼面罩，更加像高級品牌產品，再配上體積很細小的頭燈，感覺其實又幾可愛。

不過也不及官方公開的這種配色，官方稱為Acid Yellow，看來就像青綠色，裝飾佈滿全身，就連車頂都係全綠色，就好像戴了一頂綠色帽一樣......

車廂內亦有大量綠色裝飾，包括冷氣旋鈕、出風口、座椅縫線、門檻、地毯等。預定採用1.6公升SmartStream四汽缸自然吸氣引擎，配上CVT無段變速波箱，最大馬力123匹，峯值扭力15.7kgm。

撰文：Michael

-----------------------------
十大醫生專家教你紓緩濕疹
《保健精讀：濕疹》 助你消退痕癢
-----------------------------
成功個案經驗之談 融入台灣資訊大合集
《移居台灣手冊》尋找安樂窩
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新