韓國男團防彈少年團（BTS）近日因成員Jimin曾穿上紀念韓國光復節嘅「原爆Tee」而引起部份日本網民不滿，因而原定亮相日本節目嘅工作亦全部遭取消，同時被飛出年度日本除夕盛事《第69屆紅白歌唱大賽》。《紅白》噚日公開演出名單，BTS未有上榜，不過韓國人氣女團TWICE就入選，將連續第二年亮相《紅白》。

而近期日韓關係緊張，喺呢個時候，TWICE成員多賢就被爆曾穿上支持韓國慰安婦組織嘅品牌T恤，再次引起部份日本網民不滿，亦有人留言要求TWICE退出《紅白》，未知事件最終會唔會影響到TWICE嘅《紅白》演出及組合明年舉行嘅日本巨蛋巡演。

雖然TWICE捲入是非，不過無損成員心情，今日下午佢哋就晒腿現身於首爾舉行嘅音樂活動，另外多賢噚日亦有於Instagram公開多張新自拍。

精選娛聞，喺晒《娛果》
http://fb.com/appledailyent