【決絕啲唔使煩】泳兒狠拒癡情男 越洋送公仔求愛直接打回頭
蘋果日報 2019/09/19 12:53
新加坡情史泳兒
攝影：盧妹
泳兒今日到商台為節目《公子會》擔任嘉賓，節目以討論愛情為主，問她是否已準備好分享？泳兒笑謂：「都冇咩唔講得，不過我諗佢哋唔止問而家呢個，應該會問番以前嗰啲。」
泳兒表示不會主動追男仔，遇到不喜歡的追求者亦會直接拒絕：「我唔收兵，唔鍾意會直接講，因為會覺得好煩。」在新加坡讀書時，曾有追求者追了她年多：「最勁試過寫首歌畀我，都幾感動，但真係唔啱feel，嗰時佢晚晚都打電話嚟，我好想快啲收線。佢試過搵人喺新加坡拎隻公仔嚟香港送畀我，我好狠唔要，叫朋友拎番去，辛苦咗個朋友。」最後兩人因分隔異地未有聯絡，她指對方現在已經結婚。
問她與男友之間是否互相了解對方情史？泳兒說：「佢問我會講，不過我會睇佢facebook，其實我都唔介意佢同前度做朋友嘅，出去食飯我都OK，不過唔好單獨食啦。」她認為與前度做朋友沒有問題，自己亦與前度再見亦是朋友。至於現任男友可會介意她受訪時講感情事？泳兒說：「咁我都會適可而止地爆佢啲嘢嘅，佢反而在乎大家出嗰張相，我真係要教佢擺pose。」
另外，泳兒將於10月中舉行音樂會，現時正努力操小蠻腰：「我智慧齒嗰個位，有嚿骨突咗出嚟，醫生話我太瘦，唔會影響健康嘅，不過有啲痛，我而家要諗下點樣肥番塊面，但係瘦腰。」
採訪：盧妹
泳兒講起昔日情史，曾有新加坡男越洋送公仔，但被她拒絕接收。
泳兒允許男友與前度食飯，條件是不能單獨見面。
泳兒為準備演唱會減肥，更瘦到牙肉有骨凸出，被醫生叫增磅。（IG圖片）