當年今日

男友涉藏毒 冇得演無綫新劇
阿Yu冷漠扮傻:唔熟周永恆

蘋果日報 2004/04/29 00:00


周永恆日前涉藏毒而被捕,現時他已全線停工,昨早更向無綫主動辭演下周開拍的新劇《學警雄心》。而其緋聞女友趙頌茹昨日竟揚言與他「唔係太熟」,速速劃清界線。
周永恆日前因為涉嫌藏毒而被警方拘捕,雖然他已以五千元獲准保釋,但相信他今日仍要過一個不愉快的二十歲生日。周永恆已暫停所有工作,包括一個內地文藝晚會。周永恆早前因緋聞女友趙頌茹(Yu)在青衣被撩,他為護花而與人毆鬥,但昨日阿Yu竟表示與他不熟。

自稱意志堅
阿Yu昨日在銅鑼灣出席電視電影《無憂24小時》拜神儀式,對於周永恆涉藏毒一事,她即扮儍說:「我未睇報紙,都係啱啱至知,涉及警方嘅嘢我唔方便講太多,希望佢冇事。」問她知否對方有服藥物習慣?阿Yu說:「唔清楚,我啲朋友都冇乜食過。」至於她自己曾否試過被人引誘服藥物?她馬上說:「從來都冇,我由細到大嘅意志力都好強。」
阿Yu自稱至今未曾與周永恆聯絡,未知她是否覺得被對方連累?阿Yu只稱做藝人食得鹹魚抵得渴,但她亦再次否認與周永恆在觀塘共賦同居之傳聞,她說:「我識個伯伯住喺度,我識伯伯個女,自己先喺嗰度出現。」
再問她是否與周永恆相熟時,她竟說:「又唔係太熟,一齊拍過嘢,一班朋友出嚟食吓飯,唱吓卡拉OK咁囉。」提到今日是周永恆的二十歲生日,阿Yu聞言又繼續裝儍說:「係咩?聽日幾多號呀?祝佢生日快樂。」

思緒好混亂
此外,周永恆原定下周一為無綫三十集新劇《學警雄心》試造型,他在劇中與吳卓羲及陳鍵鋒一同扮演學警,但昨日其經理人已主動致電無綫提出辭演。其經理人彭淑霞昨日亦透過電話說:「暫時佢嘅工作要停一停先,我哋噚晚有同佢聯絡過,佢自己都好混亂,公司會再睇吓件事發展至有決定。」
阿Yu昨出席活動後,即乘坐保母車離開,但她卻不敢再往觀塘留宿,改而前往屯門黃金海岸海澄軒。當她見記者追訪而至,下車時即發脾氣,對在場保安說:「攔住佢哋,呢度私人地方嚟㗎。」之後她即怱上樓。
採訪、攝影:卓美娟、朱倬誼
empty
趙頌茹與周永恆去年拍攝無綫劇集時,擦出愛火花。
empty
今天二十歲生日的周永恆,相信不會過得快樂。
資料圖片