「十幾個鐘冇嘢落肚，呆等咗成日，最後一句話今日冇期，就叫我再約第二日嚟過做麻醉手術，嘥晒我啲時間！」《蘋果》讀者李小姐早前檢查身體時，得知子宮頸細胞出現變異，可能演變成子宮頸癌，故預約於上月26日下午接受檢查子宮及進行刮宮手術。

護士：「麻醉師夠鐘放工」
她如期於手術前一日入院，並於翌日禁食，由早上6時等候至下午4時許，仍未獲任何安排，令她心急如焚。她曾向在場護士查問原因，護士初時覆稱治療或會取消，經她多次追問，護士始稱編排超出預算，指「麻醉師夠鐘放工」，謂會替她另約於28日入院，29日為她進行手術。
她不滿院方安排失誤，「醫院唔係應該預好晒啲時間，編排好先安排病人入院嘅咩？我要早一日入院，餓咗十幾個鐘等成日，一句冇位又要我再嘥時間從頭嚟過？」她向記者表示，會轉往其他醫院求診，不會再到明愛醫院接受治療。