韓片《3個特攻美少年》男星李玹雨同歌手Se7en今日都嚟咗香港，準備出席倒數迎2016年嘅活動，當中佢哋二人都分別抵港。

而李玹雨就獲大批粉絲到場接機，當中因為粉絲人數太多，都令到李玹雨嚇咗一跳，而主辦方仲搵人扮成海賊王嚟接機，事關李玹雨本身就鍾意海賊王，據知李玹雨現身時粉絲即衝埋身，搞到佢都被逼到牆角，佢原本都有禮貌咁收吓粉絲嘅禮物，但最終因人太多而暫停收禮，混亂中仲有粉絲跌倒。

另外，同樣嚟香港出席上水廣場舉行嘅倒數活動嘅SE7EN，佢就比較低調，佢今早上載自拍照上網話畀粉絲聽，佢0依家準備飛嚟香港，不過佢就戴上黑色口罩，唔係見得好清佢個樣。