701收料站:錦藝傳芬佬睇中

蘋果日報 2004/02/14 00:00


沉寂多時的工業股,最近陸續有起色,唔少外資大行都重投懷抱,其中舊年出現控股權易手的冠捷(903),就係佢哋其中一隻重點推介。
經紀黃話,冠捷自從有個重量級大陸股東入股後,股價一直企得硬淨,近排股價又再屢試高位,多間大行輪流出報告推介,間間都話目標價喺5元樓上。
冠捷有乜咁正斗?經紀黃話主要生意好掂,尤其係舊年第4季同埋今年首季生意好到不得了,邊際利潤亦有改善,故預期全年盈利有良好增長。
小初雖然覺得理由單調啲,聽落唔係太興奮,但由於有大行睇起,一定會有芬佬買入,冠捷噚日回落2.73%,收4.45元,距離大行5元樓上目標價重有水位。小初都有啲心郁。
另外早前提及的錦藝紡織(565),據聞終於修成正果。聽講佢終於獲得芬佬睇中,買入咗唔少貨,之前坐咗唔少貨的台灣投資者,終於飲得杯落。
錦藝噚日最高見過0.93元,收0.90元,升4.65%,再創新高。
慕容小初