當年今日
關於我們

【瀑布灣墮崖】明知山澗危險 女街坊:抄小路慳廿分鐘

蘋果日報 2017/06/18 19:47

香港仔墮崖華富邨瀑布灣陳樹新

38歲男子陳樹新昨傍晚在香港仔華富邨瀑布灣墮崖身亡,有目擊者懷疑男事主因抄小路,由數碼港行往華富邨途中,遭大水沖跌出事。事發後今日現場所見,仍然有街坊以同一方法,抄小路往返華富邨。其中周女士直言知道山澗危險,但因為可以節省約20分鐘路程,故寧願抄小路步行返家,沿途自己會特別小心。
傍晚約6時,《蘋果》記者見周女士途經肇事現場,跨過路邊圍欄後,即沿山澗小路往華富邨方向行去。記者細問之下,原來周女士不知道昨日現場發生事故,她不諱言:「危險㗎,不過要睇水位有幾高囉,平日唔深水㗎!」她估計因為昨天大雨,男事主可能不知道水位,「睇唔到條路,义錯腳义咗落去!」
現場遠處設有行人天橋供居民使用,但周女士指:「上面條橋行好遠,呢度(抄小路)慳好多時間,慳成20分鐘!」
不過,亦有居民盧先生指,山澗小路根本不宜居民日常行經,「嗰度唔係畀人入去,周圍擋住晒唔畀人行㗎,啲人爬落去行之嘛。」他認為其他居民冒險要行,也沒法阻止。
你敢爆,我敢獎! 即Call《蘋果》24小時爆相爆片熱線63836568
empty
發生男子墮崖慘劇後,今日仍有街坊經山澗,抄小路往返華富邨。(溫瑞麟攝)
empty
街坊周女士指抄小路危險,但可節省20分鐘路程。(溫瑞麟攝)
empty
盧先生認為,現場山澗小路根本不宜居民日常行經。(溫瑞麟攝)