亞視前高層盛品儒、魏秋樺及劉錫賢今日上商台接受《在晴朗的一天出發》,被問如何總結王征當上「白武士」後的情況,劉錫賢講:「王生係一個有遠景嘅人,但佢對香港媒體環境唔係太認識,因為香港電視台傳媒其實係有需要以娛樂行先,但佢只想打造一個亞洲CNN。」
前高層盛品儒喺節目中解答:「因為娛樂節目要有好多sponsor,喺自己在任時,搵贊助已經有啲吃力幾難,自己都有啲抱歉,有時搵唔到贊助,自己譬如公司要佢一個節目要賺50%,但真係搵唔到贊助,搵一個贊助都要幾百萬,至於喺政治節目都有成功例子,王生係聰明有遠見嘅人,只係唔適合做電視。」
魏秋樺續言:「王征步伐行得太快行得太快,想做亞洲CNN,行得太快,香港觀眾仍然想睇娛樂。」
另外,魏秋樺覺得亞視被「針牌」好可惜,希望政府再考慮多一陣,望會否再有轉機,坊間有好多人覺得亞視咁嘅情況好可惜,對於劉錫賢指管理層「唔爭氣」,魏秋樺講:「亞洲會一直都希望有生機,睇吓可唔可以去政總反映。」陳志雲反問是否繼續跳舞,魏秋樺表示:「唔係跳舞,可能遊行表達心意。」
魏秋樺於節目後,接受媒體訪問,指自己由1975年入行,當年佳視「執笠」到現時,入行四十周年,亞視就送了這份「禮物」給她,期望政府收回成命,放亞視一條生路,估計這一、兩個星期會作出行動幫助亞視。