當年今日
關於我們

【逆權運動】民間自發教防暴徒 港隊鄭子文:我都係香港市民

蘋果日報 2019/08/10 06:01

義教鄭子文反送中運動防衛班

反送中運動引發多場暴徒恐襲事件,民間不少習武之人或團體,均自發拍片教導市民防衞技巧。今次更首度有空手道港隊成員,開班「義教」市民自衞技巧,導師之一的空手道港隊鄭子文,亦有參與6.16的200萬人遊行,他強調:「我係一個運動員,但我都係香港市民,關心香港嘅時事、社會問題,可以運用自己嘅能力並善用佢,一定對社會有貢獻。」發起人Vinky亦稱:「要貢獻社會唔需要理由,想做就做咗先,起碼我哋出咗一分力。」
記者:盧藹雯 攝影:周子惇
決定開辦防衞班前,發起人Vinky及鄭子文都曾擔心活動成效,鄭亦曾考慮開班會否令大眾覺得是「抽水」,他思前想後,引用同為空手道精英運動員的拍檔李振豪一句話:「唔做有100個藉口,做只需要一個理由。」既是運動員,亦是香港市民,當有能力時都希望能貢獻社會。
6.12警方暴力清場,特首林鄭月娥將示威定性為「暴動」,引發200萬人6.16上街,促請政府回應五大訴求,二人當日亦有參與。「我哋點解要行出嚟?我哋都係想爭取五大訴求。」Vinky路過警民對峙之地,當時天氣並不侷促,但雙方已怒火中燒,氣氛緊張得令人喘不過氣,「我見到有嚿磚飛出嚟,呢邊又見到有支警棍,已經蒙蔽咗嗰刻你爭取啲乜嘢,當下就好似一場戰爭。」
鄭子文見到香港長年着重經濟發展,今次運動中不論持反對或支持的聲音,均體現港人關心社會的一面,「(遊行時)嗌吓口號,叫聲香港人加油,我聽落去好感動」。他指政府當初急推條例,市民根本無足夠時間接收和理解。政府亦未有深入解釋,之後激發市民遊行表達訴求:「市民表達咗意見,但冇效果。可能因為政府回應都係一樣,佢哋會諗唔同嘅方法,去刺激政府逼切回應。」
過去一星期,各區不合作運動升級,衝突場面越演越烈,元朗、北角和荃灣均有暴徒襲擊市民,二人對現時的香港感覺相當陌生,同時發覺沒運動習慣的市民防衞能力較低,急切需要一些基本自保知識。鄭稱:「遇到任何情況,對象係咩人都好,你一定要有意識,唔係縮埋一邊,以為你顯示弱勢佢就會放過你。」
Vinky指課堂標榜:「你要擋嘅係攻擊你嘅人,唔係警棍或者警察。」這類防衞術適用於日常生活中任何突發情況。這次「義教」防衞班,50個名額於2日內已報滿,他們計劃會再舉辦。
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9