2017年特首普選諮詢，不斷有中方人士「出口術」，好似中聯辦主任張曉明提出「筲箕論」，講到明要篩選候選人，而學民思潮就堅持公民提名權，仲發起「全民提名聯署約章」，公民黨及新民主同盟及社民連等都已簽署，反而民主黨就拒絕簽署約章，但強調支持「公民提名」。

而「學民思潮」為「全民提名全民普選」就搵嚟歐錦棠拍片支持，阿棠以王維基嘅HKTV做比喻，話王生唔應該咁做生意:「到真正運作嘅時候，你都係要跟返個惡性循環，日以繼夜咁去趕貨(拍劇)。但係，呢樣嘢同發唔發牌係兩回事。」

阿棠話喺冇講理由唔發牌呢一點上面已經係不公義，仲要唔係單單對王維基，而係對全香港市民。佢又打個比喻，話要知道自己啲功夫好唔好，當然係「出嚟打過」，可以套落公民發展度，想知一樣嘢行唔行得通，就係應該俾大家去試，大家提出方案，點解唔可以百花齊放?

阿棠最後話:「成日有人講話，嚟到我哋嘅地方，要守我哋嘅規矩，我真係覺得好啱，嚟到香港，我哋嘅既有價值觀係不容許被改變，當你覺得有人開始要扭曲你嘅價值觀嘅時候，你一定要行出嚟，行動，出聲!Weareallequal。」


阿棠發言:
http://www.youtube.com/watch?v=DCRfBsTIlNg&feature=youtu.be