【本報訊】由港台主辦「第三十九屆十大中文金曲」頒獎禮昨晚在九龍灣Star Hall舉行，總共頒發51個獎項，陳奕迅橫掃5獎成大贏家，除第12年奪最優秀男歌手之外，還囊括全國最佳男歌手、全球華人至尊金曲等，而容祖兒亦大豐收攞4獎，更成為最優秀流行女歌手13連霸，不過，港台DJ黃天頤竟然誤說陳奕迅是第13、容祖兒是第14年奪最優秀男、女歌手獎！

再演繹《四季》無甩嘴

分別成為大贏家的兩人，卻在尾聲頒發最優秀男、女歌手才現身上台領獎。陳奕迅致辭時說：「我好好彩，咁耐以嚟好多人支持我，最緊要唱好啲歌。其實做到歌手好開心，我會做好啲。」他答謝曾在音樂路上幫助自己的人時，說多謝硬膠group；之前陳奕迅在商台頒獎禮演唱時甩嘴失準，昨晚再演繹《四季》表現回勇沒走音沒甩嘴，唱完觀眾大叫「陳奕迅」全場拍手，他說：「希望香港好似呢隻歌咁。」
容祖兒和張敬軒同樣獲4個獎，祖兒說：「其實每次攞最優秀女歌手，心情好開心興奮，只不過大家喺面上表情睇唔出，因為累積經驗看似鎮定，多謝大家畀機會我演出畀掌聲我。」
十大金曲獎因有3首歌同分變12首，鄭欣宜憑《女神》奪獎，她說：「曾經以為自己冇乜機會再唱歌，諗唔到得到呢首好歌，自己係一個幸運兒，嚟緊會做得更好。」出道32年的太極樂隊則獲金針獎。
■記者盧坤穎、黃君怡