經營生意之道，他侃侃而談，自嘲「人又蠢又懶又鈍，所以樣樣嘢都做唔叻」，又稱自己「好命唔使做」，手下人才多多。惟一講發迹史他就封口，只稱自己縱橫商界30多年，是一個實業家，「因為我唔鍾意講我自己乜嘢，我無咁大個頭唔會去戴咁大嘅帽。」
外界指他靠銷售MP3起家，他聞言即時辯護，「話我淨係靠MP3，甚至話個MP3都係（英皇系主席）楊受成畀我嘅，係好大嘅誤會。我哋成個集團好大，turnover（收入）非常之強勁，好多唔同生意嚟自全世界。」除了地產、紅酒等業務，他還持有龐大的電子業務，被問及未來會否將非上市業務借殼上市，他未有正面回應，只稱高銀的電子業務很成熟，2013年曾收購德國上市公司Gigaset。
他最新計劃部署推自家品牌Android手機，但他對賣點大賣關子，「9月1號會喺柏林發佈一個手機，成個策劃用兩年半時間，我一定會畀你眼睛一亮，然後等你哋講，嘩！你做嘅嘢真係好好。」