【李八方online】落區為出戰九西熱身？ 張崑陽殺入重慶大廈派漂白水
蘋果日報 2020/03/09 19:24
立法會選舉張崑陽反送中武漢肺炎
張崑陽向重慶大廈商戶及居民派發漂白水。張崑陽fb圖片
今屆立法會選舉，單睇非建制陣營嘅有意出戰陣營，已經好夠睇頭；由反修例運動掀起嘅國際戰線團隊，都令唔少學界中人嶄露頭角，好似八方1月初已預告過，學界想推香港大專學界國際事務代表團前發言人張崑陽（Sunny）出戰立法會九龍西，幾經游說，Sunny似乎已經有披甲準備，仲獲唔少自決、本土派人士支持，頻頻落區為爭取入閘熱定身。
Sunny今日喺Facebook發帖，談及油尖旺區議員陳嘉朗上周帶咗佢接觸重慶大廈居民同商戶，交流抗疫、營商、中文教育等議題；得悉噚日一名居於重慶大廈嘅男子經快速測試後，一度列為武漢肺炎高度懷疑個案，佢今日再應陳嘉朗邀請再訪重慶大廈，向商戶同居民派發漂白水，希望為當區街坊提供協助。
重慶大廈一向係香港嘅「小聯合國」，不同嘅少數族裔人士在此聚居；Sunny強調，香港從來唔止係「中國的香港」，香港人係以身為世界公民而自豪，必須「立足本土、擁抱多元」，強調作為國際戰線一分子，由反送中到武肺，見證暴政同疫症威脅全球，無人能夠獨善其身，認為唯有連結先可令大家茁壯強大，驟耳聽落真係有啲選舉宣言feel。
佢仲強調，「革命歷經9個月，我相信手足共濟之情，能夠跨越膚色、界限。」唔知少數族裔嘅「手足」，支唔支持Sunny去馬？
Sunny今日喺Facebook發帖，談及油尖旺區議員陳嘉朗上周帶咗佢接觸重慶大廈居民同商戶，交流抗疫、營商、中文教育等議題；得悉噚日一名居於重慶大廈嘅男子經快速測試後，一度列為武漢肺炎高度懷疑個案，佢今日再應陳嘉朗邀請再訪重慶大廈，向商戶同居民派發漂白水，希望為當區街坊提供協助。
重慶大廈一向係香港嘅「小聯合國」，不同嘅少數族裔人士在此聚居；Sunny強調，香港從來唔止係「中國的香港」，香港人係以身為世界公民而自豪，必須「立足本土、擁抱多元」，強調作為國際戰線一分子，由反送中到武肺，見證暴政同疫症威脅全球，無人能夠獨善其身，認為唯有連結先可令大家茁壯強大，驟耳聽落真係有啲選舉宣言feel。
佢仲強調，「革命歷經9個月，我相信手足共濟之情，能夠跨越膚色、界限。」唔知少數族裔嘅「手足」，支唔支持Sunny去馬？
張崑陽fb圖片