傅穎昨日以白色tubedress女神look，到銅鑼灣宣傳PS3網劇《夏之盛放》，她將在下周三揭幕的書展推出第三本繪本散文集《我會快樂的》，由於到時Theresa除了會遇到一班「胸」群而出的o靚模出寫真外，她更要迎戰宿敵鄧麗欣的正面狙擊。

其實早前已有傳Stephy發動金牌大風同事在書展中夾攻Theresa，估不到近日Stephy再變招，日前更罕有地穿上三點式泳裝為雜誌拍攝封面，令Theresa內外受敵。
Theresa昨日被追問到Stephy以三點式拍照時，她暗寸對方說：「我冇三點式，我係散文集，只係得生活照，唔怕蝕底，我又唔係出寫真。最好到時書展每個人都送本畀我做紀念，我唔知Stephy幾時去書展，如果係會送本畀佢。」

為了能在書展中突圍而出，Theresa將緋聞擺上枱，早前已率先自爆曾遇圈中愛情騙子，成功博得宣傳，昨日她也不斷被記者追問騙子是何方神聖，但她大賣關子，只暗示說：「總之係圈中人，唔好問啦，睇書，我出咗名寫嘢會好白，唔知你哋估唔估到呢？」而Theresa當年曾跟方力申和陳冠希傳緋聞。採訪：何慧斯
攝影：黃偉雄、彭琮然