張智霖（Chilam）與警務處處長鄧炳強、警務處人事部遴選委員會總警司謝振中等高級警務人員，今年2月於又一村俱樂部出席「撐警無罩宴」，歌舞昇平，同場有成龍、曾志偉與譚詠麟等一眾香港巨星。

聚餐後Chilam首次現身，今天於銅鑼灣出席保良局捐贈口罩活動，並獲委任為保良親善大使，Chilam謂希望能夠幫助老中青不同的年齡層：「今次係第2次做保良大使，好榮幸，希望可以幫助唔同年齡層，小朋友要愛護、年青人要溝通、老人家要關懷，希望身體力行，令社會更加融洽。」Chilam更謂已訂購4萬口罩，捐贈有需要的人，包括上班族、學習障礙的小朋友，他說：「我係會一路去做，直至疫情完結。」

警星餐敍後被網民瘋狂洗版，今天Chilam被問到心情有否受到影響？Chilam說：「冇嘅……都係……都唔識講。」至於太太袁詠儀也被洗版式狂轟，是否感到不快？他則說：「唔回應嘞，事件過咗去，大家向前看，希望香港大家一條心去抗疫，呢個係比任何事情更重要。」問到飯局的照片中各人均沒有戴口罩，Chilam說：「可能係食飯（冇戴），食完飯都戴返，不過防疫意識係冇咁敏感，都係啱嘅。」

Chilam又透露囝囝魔童也知道發生何事，卻沒感到不快。至於任保良大使，是否希望洗底？Chilam說：「其實係機緣巧合下做大使，自己亦冇任何計劃會去做啲乜嘢。」

另外，武漢肺炎疫情嚴峻，Chilam透露早前一家到布吉曬曬太陽，現時盡量留在家中避炎，同時要跟兒子一同網上學習，他笑言並不容易，令他在這方面的知識進步了。而Chilam指有家人在澳洲，他不時會留意當地情況，希望大家都不要恐慌及搶購物資。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》