韓國綜藝節目《Running Man》女星宋智孝，跟李善均、BoA等人主演嘅韓劇《老婆這週要出牆》將於28日首播，劇組噚日就公開預告片谷劇，當中事業有成，又持家有道嘅智孝，表面係賢妻，其實係個出軌人妻，老公李善均當然有所察覺，見到老婆扮到靚一靚出門口，真係百般滋味在心頭。

《老婆這週要出牆》講述李善均偶然於宋智孝嘅手機短訊中，發現老婆跟外遇對象約好去酒店嘅事，之後李善均於網上搵人商量，故事由此展開。而香港樂視獨家跟播，將於29日緊接《Fantastic》、逢周六、日於樂視播出新劇。