鄭秀文（Sammi）日前於元朗為新一輯護膚品拍廣告，由於近日登革熱及日本腦炎肆虐，加上片場一帶是蚊患的重災區，故Sammi與大家分享扮靚心得之餘，亦不忘傳授自家一套絕門的花露水防蚊秘方。

鄭秀文日前到元朗嘉龍片場，為SK-Ⅱ新產品拍攝新一輯電視廣告，由於拍攝現場一帶是蚊患的重災區，故大家均做足防蚊措施，Sammi還趁機與大家分享了獨門防蚊秘方。

搽完沒蚊叮
身穿白色低胸裝的Sammi笑說：「我都驚呀，因為本身好惹蚊，所以現場點咗好多蚊香，今日怕會惹蚊都唔敢搽香水。我重有一套獨門秘方，就係鍾意用古代人用嘅花露水，噴勻全身，次次噴咗都唔惹蚊，都未試過俾蚊咬，大家不妨試吓！」
近日忙於籌備演唱會的Sammi，不用埋位時便練歌。談到演唱會有甚麼特別造型時，她故作神秘說：「其實次次演唱會我都會有一驚喜嘅化妝同造型，呢啲我會交畀化妝師去構思，今次亦唔例外，但會係乜就要等到時觀眾睇啦！」
Sammi經常會以獨特化妝現身舞台，對她而言卸妝變得尤其重要，她說：「𠵱家香港好流行身體排毒，但其實面部皮膚都會有毒素，所以潔面嘅程序真係好重要。」

卸妝重排毒
Sammi續說：「以我嘅經驗嚟講，揀落妝油要好審慎，好嘅落妝油可以一次過清潔肌膚，一次過將毒素、污穢拉出嚟，感覺清爽。」