【本報訊】一名有偷竊女性內衣前科被判守行為的「褻衣賊」，利用駕駛貨車運送海鮮之便，近月多次於深宵潛入屯門嘉和里村，偷竊年輕女村民晾曬的胸圍及內褲，更懂嗅聞味道挑選獵物，至昨凌晨褻衣賊再出現卻失手，被埋伏村民捕獲。他求饒說：「畀次機會我啦！放過我啦！我畀番錢當我買啦！」　記者：區恩傑

疑犯姓許（三十九歲），已婚，與妻子及一對年幼子女同住天水圍天澤邨澤星樓一單位，擁有一部冷凍密斗貨車，替屯門三聖邨海鮮檔運送海鮮。
疑犯涉於二○○一年十二月，於紅磡新柳街一幢大廈偷竊女性內衣時被住客擒獲，搜出十件女性褻衣被判守行為。

「每星期嚟偷一次」

近月飽受褻衣賊滋擾的嘉和里村有二、三十戶村民，村內全是單層鐵皮木屋，不少村民習慣將衣物掛在門外晾曬，一向相安無事。本年二月開始，村內多戶年輕女村民晾曬在屋外的性感胸圍及內褲被人偷走，主要為厘士或印有公仔圖案的胸圍及內褲，亦有名貴手袋被偷。「近兩個月失竊情況頻密，每星期都嚟偷一次，全條村都知有褻衣賊出現。我有啲三百幾蚊內衣衫褲都唔見埋，大家決定做啲嘢，我同家人喺屋門口安裝咗閉路電視。」其中受害村民黃小姐（二十一歲），講述情況時仍怒氣未消。
她說：「上個月起，已經先後三次影到佢偷嘢，個衰人係地中海頭、有鬍鬚同着水鞋嘅，每次凌晨三、四點嚟偷。見佢將啲胸圍內褲攞上手，睇吓同聞吓啱心水就攞走收喺件衫下面，唔合心意就掛番上去，但始終捉佢唔到！」她又稱，「事件已經報案，差人多次入村埋伏，都唔見佢出現」。

跑百米外駕貨車逃

昨日凌晨三時許，褻衣賊再次到姓黃女村民住所，剛偷得一條內褲則被黃女家人發現，立即衝出連同一名姓高村民追捕。褻衣賊見事敗棄下內褲逃走，跑至百米外登上一輛貨車逃走，被村民飛車追捕截獲，疑人即時求饒但村民不為所動報警。警員在疑犯停泊村口貨車上搜出六、七件舊女性內衣褲，但疑人辯稱為購買得來。警方將案列作「偷竊案」處理。