當年今日
關於我們

蔡思貝疑做三奶暗撻洗米華拍檔 羅彩玲被搶未婚夫:我哋冇分手

蘋果日報 2021/01/14 23:26

蔡思貝羅彩玲洗米華胡鴻鈞

TVB出爐視后蔡思貝在獲獎當晚,被台下的黑面「真視后」陳自瑤搶盡風頭,事隔數日,終於到蔡思貝「威一次」,事關《壹週刊》報道蔡思貝搭上周焯華(洗米華)拍檔Sam,年約30多歲的Sam是太陽金業集團老闆,去年中蔡思貝為其公司拍金飾廣告撻着,Sam發動瘋狂追求攻勢,又送名牌又管接管送,搵到筍盤的蔡思貝即飛起胡鴻鈞。不過,有讀者向《蘋果》爆料,Sam其實是有婦之夫,去年o靚模「嫩版朱茵」羅彩玲(Vivian)被爆包養生活富貴,原來男主角就是人夫Sam,有TVB姣精之稱的蔡思貝疑做三奶。
台慶當晚,蔡思貝就是坐Sam的七人車離開電視城,由司機接送她返家,身為洗米華拍檔的Sam財力雄厚,愛在社交網晒命,上載用金錢堆砌的戰利品,包括百萬名錶、300萬炒價名酒、百萬辣跑,1億銀紙放滿限量版LV箱,極盡炫富,本身是名牌奴隸的他,更愛送名牌追女,最近蔡思貝在社交網的貼相,身上的衣物和手袋件件名牌,變得富貴逼人。
還以為蔡思貝撇胡鴻鈞搵到好碼頭,然而,《蘋果》收到讀者爆料,指去年Vivian被爆搭上洗米華下屬,由屋邨妹搖身一變入住何文田皓畋豪宅,男主角就是蔡思貝的新歡Sam!讀者指Sam已婚兼育有一女,去年被爆包養Vivian後,搞到激嬲老婆嗌離婚。Sam和Vivian打得火熱,曾肆無忌憚陪Sam去打波,又齊齊去睇車展,甚至約朋友上同居愛巢打牌。

羅彩玲堅稱冇分手

去年9月,Vivian曾透露跟圈外男友拍拖半年,收過男友5卡鑽戒,自己9月初生日,男友安排遊船河慶祝生日,在朋友面前向她求婚,但不肯透露未婚夫是誰。怎料Vivian還未坐正,又殺出疑似「三奶」蔡思貝,《蘋果》今日致電Vivian了解,問是否跟Sam分手了?她說:「分手?er...你...我而家瞓緊覺,你不如晏啲打畀我。」記者追問有冇跟Sam分手?Vivian說:「我哋兩個冇分手呀!」
問知唔知未婚夫搭上蔡思貝?Vivian說:「我唔知呀,係咩?」記者謂報道指Sam狂追蔡思貝,出動七人車接送又送名牌,她說:「吓?我一陣睇吓。」問到跟未婚夫感情有否出現問題,昨日有冇見面?Vivian說:「我睇完報道再話你知,我唔講啦,我啱啱瞓醒乜都唔知。」如果蔡思貝真的做第三者,她說:「我唔講住啦!」雖然Vivian未肯交代詳情,但就堅決否認自己搞到男友離婚:「唔係,講咗好多次,冇結過婚。」而男主角Sam被爆搭上蔡思貝後,不但將自己的IG改為私人賬戶,甚至連公司太陽金業的IG都改為不公開。
對於疑做三奶,蔡思貝回覆傳媒解釋是借車用,因為之前她借胡鴻鈞家姐的車,「Sam哥看到後就問我需不需要相熟司機的contact,因為這樣有時做嘢會方便一點,所以我有時做嘢就找這個司機,每次用完都有計番當天的錢給他,所以沒甚麼特別。」
empty
蔡思貝疑做了Sam「三奶」,Vivian堅稱兩人冇分手。(網上圖片)
empty
Sam是太陽金業老闆、洗米華的拍檔,傳聞他已有家室。(讀者提供)
empty
Sam愛在社交網晒名錶炫富。(網上圖片)
empty
Vivian招呼朋友上與Sam同居的愛巢。(讀者提供)
empty
Sam和Vivian(紅圈)曾招呼朋友上同居愛巢。 (讀者提供)
empty
Sam和Vivian打得火熱時,忍唔住在社交網tag對方。(讀者提供)
empty
Sam曾在限時動態貼打波相,讚「攝影師不錯」。(讀者提供)
empty
Vivian同日自爆睇人打波。(讀者提供)
empty
讀者指Vivian搭上Sam後,like晒他的全部帖文。(讀者提供)
empty
蔡思貝有TVB姣精之稱。(網上圖片)
empty
蔡思貝被爆搭上有米Sam,近日周身名牌。(網上圖片)
empty
傳聞蔡思貝和胡鴻鈞已分手。(網上圖片)
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁