【英超回歸】VAR又出事入波唔計 復賽首戰錫菲聯維拉互交白卷
蘋果日報 2020/06/18 03:00
阿士東維拉錫菲聯奧利華基亞利殊足球VAR尼蘭特羅活
經過三個月等待後，英超復賽的首戰阿士東維拉迎戰錫菲聯。而這場萬眾矚目的比賽球證及VAR又成為焦點，事關錫菲聯上半場一記死球攻勢，皮球明明已完全過白界，但球證、旁證，以及VAR團隊全無表示。結果雙方之後都未有入球下，互交白卷完場。
開波之前，兩隊球員都穿上印字同為「black lives matter」的球衣，而在默哀過後，球員亦在場上做出單膝跪地的動作，以聲援美國黑人的抗爭運動。上半場兩隊各踢半場好波，維拉佔盡優勢，但後半段錫菲聯逐漸搭回攻勢。
但上半場的尾段卻出現令全球球迷都驚訝的一幕，42分鐘錫菲聯的羅活左路開出一次死球，當時維拉門將尼蘭特門前接實，但與隊友基倫戴維斯碰撞後跌低，尼蘭特連人帶波明顯已過白界。但球證的奧利華當時表示門線技術未有指出入球成立，旁證及VAR團隊亦未有任何表示，結果入球不算數，最終半場打成0:0平手。
下半場主隊的維拉重新掌控形勢，其中前鋒基倫戴維斯52分鐘一次機會接應長傳壓入禁區成功起腳，但射門被對手門將甸思軒達臣單手撲出。之後兩隊都未有製造太多具威脅的埋門，最終復賽的首戰兩隊互交白卷。
