Angelababy真係好嘢，之前連詩雅話自己食錯嘢又嘔又屙搞到面珠仔都尖晒，呢個「變臉」理由，冇得頂。Baby呢？佢仲勁，將食錯嘢同失憶掛勾，話自己因為食物中毒，所以唔記得之前同黃曉明喺北京食飯慶生、仲一齊返酒店單嘢。

好一句食物中毒入院致失憶，你唔可以話Baby講大話，因為醫學方面仲未有證據顯示兩者絕無關係……咁你話佢講真話咩？……又………不如問吓Baby，你記唔記得你喺instagram貼呢張夜麻麻踩單車相，身邊呢個男人影，係唔係你嚿海綿蛋糕呢呵？唔好話踩完單車食雞粥搞到食物中毒又失憶呀？