建制派成日屈人唔使本,好似今日民主黨許智峯、甘乃威等去咗葵涌警署,抗議警方以言入罪拘捕中西區區議會主席鄭麗琼。有人就影到當時甘乃威似乎數錢畀許智峯,然後陳學鋒就執到寶咁出post話許智峯「示威完收錢都唔好咁揚啦」。許智峯坦言,佢哋當時只係夾緊保釋金畀琼姐,乜大家冇諗條片邊個影嘅呢?
唔知陳學鋒平時係咪慣咗收錢請願啦,點解一見到抗議現場有錢銀交收,就咁肯定係收錢示威?而且陳學鋒post嗰條片,明顯係由高位影落去警署外,民主黨就出post質疑,條片係警察影嘅,換言之,警方係拍片協助陳學鋒煽動謠言。真係知法犯法,罪加一等。
許智峯就同八方講,當時因為鄭麗琼嘅保釋金由5,000加到1萬,所以要籌期,同埋佢亦好肯定條片係差人影嘅,因為當時成個抗議過程,差人都係毫不掩飾咁喺高處監視兼拍片。至於陳學鋒方面,許智峯就話會保留追究佢誹謗嘅權利。
咁警方會唔會對陳學鋒採取行動?以至點解疑似警員拍攝嘅影片會去咗陳學鋒手上?八方問過PPRB,佢哋回應相當耐人尋味,只係話「警方會了解事件」就算。
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架